Хохирогч З нь олон улсын сургалт, курсуудыг дүүргэсэн мэргэжлийн багтай гэж танилцуулсан эмнэлэгт итгэж, гоо сайхны филлер тарилгыг хийлгэсэн бөгөөд эмчилгээний явцад шүүгдэгч М “GANA V PLLA” найрлагатай филлер бодис болон мохоо үзүүртэй 31G тариурын зүү ашиглан духны дээд хэсэгт тарилга хийх үед судсыг гэмтээснээс торлог бүрхүүлийн артерийн цусан хангамж тасалдсаны улмаас хараа нь бүрмөсөн алдагдсан байна.

Хохирогч хэлэхдээ,

Тэрбээр өнөөг хүртэл сэтгэл санааны хүнд байдалтай тэмцэж байгаа бөгөөд өөрийн түүхээрээ дамжуулан гоо сайхны эмчилгээ хийлгэхдээ болгоомжтой байх, зөвшөөрөлтэй мэргэжлийн эмчийг сонгох талаар олон нийтэд анхааруулж байгаа юм.

Энэхүү хэрэг анхан, давж заалдах, хяналтын шатны шүүхээр хэд хэдэн удаа хэлэлцэгдсэн.

Анхан шатны шүүх 2024 оны 4 дүгээр сарын 24-нд шүүгдэгч М-ыг “Хүний эрүүл мэндэд хүнд хохирол болгоомжгүй учруулсан” гэмт хэрэгт буруутай гэж үзэж, Эрүүгийн хуулийн 11.3 дугаар зүйлийн 1 дэх хэсэгт зааснаар гоо заслын эмчилгээ хийх эрхийг 2 жилээр хасч, зорчих эрхийг 1 жил 5 сарын хугацаагаар хязгаарлах шийтгэл оногдуулжээ. Хохирогч З хохирлоо нөхөн төлүүлэх эрхтэй болсон байна.

Шүүгдэгчийн өмгөөлөгч давж заалдах шатны шүүхэд гомдол гаргасан ч анхан шатны шүүхийн шийдвэрийг хэвээр үлдээсэн бөгөөд хохирогчийн гаргасан нэхэмжлэлийн зарим хэсэг бүрэн хангагдаагүй юм.

Хяналтын шатны шүүх мөн өмнөх шийдвэрүүдийг үндэслэлтэй гэж үзэн хэвээр үлдээжээ. Шүүхийн шийдвэрт дурдсанаар, шүүгдэгч М нь “Интермед” дээд сургуулийг төгсөж, арьсны эмчээр мэргэшсэн, мэргэжлийн үйл ажиллагаа эрхлэх зөвшөөрөлтэй байсан хэдий ч филлер тарилгын зөв аргачлалыг мөрдөөгүй, аюулгүй ажиллагааны шаардлагыг хангаагүйгээс хохирогчийн эрүүл мэндэд хүнд хохирол учруулсан нь тогтоогдсон байна.

Мөн хохирогчийн өмгөөлөгч Ч.Пүрэвсүрэнгийн гаргасан гомдолд дурдсанаар, “Синдерелла” эмнэлэг нь филлер болон тариурын зүүг БНСУ-аас шууд импортолсон нь тогтоогджээ. Энэ нь Эм, эмнэлгийн хэрэгслийн тухай хуулийн 7, 15 дугаар зүйлүүдийг ноцтой зөрчсөн гэж үзсэн бөгөөд эмнэлэг нь эмнэлгийн тусгай зөвшөөрөлтэй хэрнээ эм, хэрэгслийг хууль бусаар импортолсон нь Эрүүгийн хуулийн 20.14 дүгээр зүйлийн 4, 5 дахь хэсэгт заасан гэмт хэрэгт хамаарч болзошгүй нөхцөл байдал юм.

Шүүх, гэмт хэргийн улмаас учирсан хор уршгийг арилгуулах зорилгоор шүүгдэгч М-ээс 49.2 сая төгрөг, “Синдерелла” эмнэлгээс 190.7 сая төгрөг, нийт 240 сая төгрөгийг хохирогчид төлүүлэх шийдвэр гаргасан байна. Харин хохирогчийн Солонгос болон Непал улсад эмчилгээ хийлгэсэн зардлын баримт нотлох шаардлага хангаагүй тул хэлэлцэхгүй орхижээ.

Шүүхийн шийдвэрт зааснаар, хохирогч З ирээдүйд нотлох баримтаа бүрдүүлж, хуульд заасан үндэслэлээр дахин нэхэмжлэх эрхтэй үлдсэн байна.

Энэхүү хэрэг нь Монгол Улсад гоо сайхны эмчилгээний салбарт мэргэжлийн ёс зүй, аюулгүй ажиллагааны стандартын чухлыг онцолсон сургамж болж, иргэдэд эмчилгээний байгууллага, эмчээ зөв сонгох, эрсдэлээ урьдчилан тооцоолохын ач холбогдлыг дахин сануулж байна.

 

Минг овгийн гэр бүлийн нийт 39 хүн гэмт хэрэгт холбогдсоныг тогтоосон бөгөөд заримд нь бүх насаар хорих, заримыг нь 5-24 жилийн хорих ялаар шийтгэсэн аж.

Энэ гэр бүл Мьянмарын Лауккай хэмээх жижиг хотод 2015 оноос хойш үйл ажиллагаа явуулсан ба мөрийтэй тоглоом, хар тамхи болон цахим луйвар, биеэ үнэлэлт зэрэг гэмт хэрэгт холбогдсон байна.  

2023 онд Мьянмарын талаас хатуу арга хэмжээ авч тус гэр бүлийн гишүүдийг баривчлан Хятадад шилжүүлжээ.

Тэдний мөрийтэй тоглоом болон бусад луйврын үйл ажиллагааны орлого нь 10 тэрбум юань давсан гэж шүүх үзсэн.

Түүнчлэн тэдний хууль бус үйл ажиллагааны улмаас Хятадын 14 хүн амиа алдаж, зургаан иргэн бэртсэн аж.

Даваа гарагт болсон уг шүүх хуралд 160 гаруй хүн оролцсон байна. Энэ хэрэг 2023 оноос хойш олны анхааралд байсан юм.

Эх сурвалж: China Daily